VOAL - Online Zëri i Shqiptarëve | ||||
S'KA SI LOJA E BUZËVE Cikël poetik nga FASLLI HALITI E Hënë, 09.08.2014, 07:01pm (GMT1) 1.PUTHJA Jepet eurogoli në televizor. Të jepet Edhe Europuthja. S'ka si loja e buzëve! 2.MËKATI I PRANVERËS Pranverë sykaltër, e rimë, Pranverë me faqe të blerta, Ti që zgjon nga gjumi letargjik Barin, Sythin, Gjethin, Lulet, Blerimin. Po ti, S'harron Qoftë dhe vetëm një vit Qoftë edhe vetëm një herë Të zgjosh nga gjumi letargjik Nepërkat, gjarpërinjtë, blerina pranverë... Prill 2003 3.KARAKTER QENI Ti e rreh Qenin të lëpin Dorën. Ti E përkëdhel Ai ta kafshon dorën deri në kockë Ka shumë karaktere zagarësh e qensh sot... 2014 4. KOMUNIAKËT Komuniakët ishin ata Që na folën Natë Dhe ditë Për errësirën tënde Për terrin tënd terrinë Amerikë Të parët Ata Vrapuan Drejt «territ Drejt errësirës Drejt së Amerikës» Duke vrapuar drejt së «nxirës» Me shpejtësinë e skëterrshme të dritës... 2014 5. THONJTË PUSHTETARËVE Ka një garë të rritjes së ngutshme, Të rritjes së padurueshme, Rritjes së paturpshme Koloristike të thonjve. Kush pushtetar t'i rrisë më tepër, Kush pushtetar t'i bëjë sa më të gjatë... Kush pushtetar t'i pikturojë T'i lyej me manikyr, Kush t'i xixojë Me llak . Kurse ne, Ti, unë, ai, ajo, ata, ato, Një popullsi e tërë I brejmë thonjtë Me dhëmbë Thonjtë S'i mprehim me limë Sepse ne nuk rrëmbejmë Populli nuk kap as edhe një mizë në fluturim... Ju hajna kasafortash, Bankash, thesaresh Ju i rrisni I zgjasni thonjtë I maskoni me bukuri Me varak I bojatisni, i ngjyroni I rrisni, i bëni sa më të gjatë Që të rrëmbeni Monedha Dollarë Euro Lingota me thasë Që në pishinat e oborreve tuaja Të inonduara me ujë të artë floriri Të thyeni rekorde duke notuar sa më gjatë Që mbi ujëra floriri të notoni si peshkaqenë satrapë. Shkurt, 2014 FASLLI HALITI
|
||||
Copyright © 2005-2008 Nulled by [x-MoBiLe]. All rights reserved. |