VOAL - Online Zëri i Shqiptarëve

NUK MË SHEH ME SYRIN E MIKUT, NA DUHEJ ARDHJA E TIJ dhe SOT Tri poezi të reja nga FASLLI HALITI E Martë, 10.14.2014, 05:55pm (GMT1) FASLLI HALITI   NUK MË SHEH ME SYRIN E MIKUT «Nuk më sheh me syrin e mikut, o mik, Gjersa më vë re Të metat» Çdo sekondë, çdo minutë, çdo ditë. Me syrin e mikut Të kam parë e të shoh edhe sot, Sepse   Që të dy, Ne kemi të meta plot   Sa të duash kemi të meta unë e ti. Te metat dhe të  mirat e tua, Virtytet e tua, vlerat, Si laureshat I lë unë Të fluturojnë qiejve, Si laureshat qiejve i nis, Kurse të metat e tua i mbyll si «brilante» Në kasafortën me kyç të florinjtë te miqësisë. 5 korrik, 2014   NA DUHEJ ARDHJA E TIJ    Papa i shenjtë! E kënaqi, E gëzoi popullin Shenjtëria E lumturoi me shenjtërinë e tij U la me dush rrezesh shenjtërie Shqipëria. Papa Na uroi Paqe. Ne u grindëm. Papa na uroi dashuri. Ne urryem njeri-tjetrin fill pas ikjes së tij. «Bukën tonë të përditshme falna Zot»    Iu drejtua Zotit Papa edhe për ne, Por qielli dhe toka Janë   Në recesion, në krizë. Të varfëritë, të papunët E marrin prapë Bukën   Me listë. 23 shtator, 2014   SOT   Sot Te ne Të ikën mendja. Të pushon zemra... Jo vetëm të pushon zemra, Jo vetëm të ikën, Të fluturon,   Mendja,   Por të ikën Të fluturon Prona, Koka   Dhe jeta... Mbi të gjitha Sot, të ikën, të fluturon e drejta !  9 tetor 2014 FASLLI HALITI

Copyright © 2005-2008 Nulled by [x-MoBiLe]. All rights reserved.