ATDHEUT
Poezi nga GJERGJ FISHTA
E Enjte, 10.16.2014, 09:32am (GMT+1)
 N'ty mendoj kur agon drita,
Kur bylbyli mallshem këndon
N'ty mendoj kur soset dita
Terri botën kur e mblon.
Veç se ty te shoh anderr,
Veç se ty te kam ne mendim
Nder t' vështira ti m'je qanderr,
Per ty leht me vjen çdo ndeshkim.
Tjera brigje, fusha zalle,
Une kam pa larg tue ba shtek,
E pergjova tjera valle
N'tjera lule syu mu rrek.
Por nji fushe ma bleret nuk shtrohet,
Por nji mal ma bukur s'rri.
Ma i kulluem nji lum s'dikohet,
Moj Shqypni por si i ke ti.
N'ty ma i bukur lulzon prilli,
Jan ma t'kandshme stin e mot,
N'ty bylbyli pa le Dielli
Kendon ma ambel t Madhit Zot.
Pa ty lules s'mi vje era,
Pa ty pema frut nuk m'bjen:
Mue pa ty s'me del prandvera.
Pa ty Dielli nuk m'shkëlzen.
Derisa mundem me ligjerue,
E sa gjall me fryme un jam
Kurr Shqypni s'kam me t'harrue
Edhe n'vorr me t'permend kam.
GJERGJ FISHTA
|
Comments (0)
Dërgoja shokut
Printo
