VOAL - Online Zëri i Shqiptarëve | ||||
YJET Poezi nga QAZIM D.SHEHU E Hënë, 11.24.2014, 09:28am (GMT1) YJET Për inat të tokës, qielli u mboll me yje, Toka numëroi lulet, gjelbërimin në pyje, Qielli kërkoi lulen, toka nuk ia dha, Yjet u shkrinë dhe ranë mbi ta... Nëse lulet në qiell do kishim mbirë, Të shkëlqenin yjet e tokës do e kishin vështirë.. PAMJE Vijnë me melodi të ngrira Malet, kodrat ,fushat e shtrira, Paraardhësit kur i kanë parë, Fushat me çadra pushtuesish Malet me luftëtarë, Kështjellat mbi kodra, Kështjellarë. Dhe sot dridhem kur i shoh ndryshe, Kështjellarët e kthyer Në tufa amorfe lypse... KRISMA Nata shpështillet humnerave të saj, Më fton ta dua, Përkund ëndrra të arta, Në barkun e saj vetëtijnë Krismat e fjalëve të pakta... PULËBARDHA Si pikë e bardhë mbi suprinën e detit mavi, Fluturon e lëviz me hijeshi. Pulëbardha. Aq e fortë kjo pikë, Pigment, Tharm magjik, Sa detin mavi, E kthen në dritë. PIEDESTALE Piedestalet pa statuja mbetën të shkreta, Njerëzit pranë tyre shkojnë , përshypje nuk u bën, Statuja mbi to mos jetë , mjafton. Statuja mbi to ende s`ka ardhur, Piedestalet mbesin si varrre të hapur... QAZIM D. SHEHU
|
||||
Copyright © 2005-2008 Nulled by [x-MoBiLe]. All rights reserved. |