FESTA E ESHTRAVE - poezi me rastin e kthimit të eshtrave të Isa Boletinit në Kosovë - Isa Boletini, në veten e parë Nga RRUSTEM GECI
E Premte, 01.16.2015, 03:34pm (GMT+1)
Hapeni rrugën njerëz të flamurit Hapeni rrugën njerëz të nderuar jam Isa Boletini trim i kryeherit Me vete i kam të gjitha betejat
Këtë liri që gjaku ynë e mbolli Duajeni është e juaja, ndërtoni Kosova kujtoj është e mençur Që liria e fituar të mos digjet kot!..
Hapeni rrugë qytetarë të nderuar duajeni njëri - tjetrin, bashkohuni vij nga stërgjyshërit e lashtë, nga pleqtë me 10 mijë, e 13 mijë vjet
Kosovë, jam Isa, jam dardani yt Kosova e lirë më solli mes jush Kosova nënë, ma fshiu sot lotin se historia asgjë askujt s´i falë
Luftuar e kam Krajlin e Serbisë Pashanë e turkut dhe Malin e Zi Plagët në trup i kam shok udhe armikun mik kurrë se kam bërë
Në Boletinin ku unë jam bimur kumbues është guri i daulleve paqja dhe lufta, toka dhe stuhitë këtu e kanë të njëjtën moshë
Kosovë, jam Isa, trimi i kryeherit po ju pyes, a jeni njeh së afërmi po dëgjoj, shumë jeni degëdisë Kosova qenka pakëz e vogëluar
Në Boletin e kam plisin e gjyshit veshjen e luftës dhe të dasmave u ktheva në lavdinë e betejave të kremtoj edhe unë sot me ju
Që liria e fituar të ketë shëndet pyes, Azemi a është në Drenicë pyes Hasani a është n´Prishtinë Molla kuqe pse qahet në Shkup?..
Kosovë, festo mos u shqetëso Shqipëri është dhe Boletini im U kënaqa me daullet e fitores dhe këngën kuqezi të flamurit!..
Në këtë tokë të gjelbërimeve s´ ka më të shenjtë s´ e liria Kosovë, kam ADN e këtij dheu Shqipëri e Kosovë sot jemi një
Këtë liri që gjaku ynë e mbolli Duajeni është e jona, ndërtoni Të pershëndes o Adem Jashari Shqipëri e Kosovë sot jemi një!..
Dortmund, 2015
RRUSTEM GECI
|