VOAL - Online Zëri i Shqiptarëve | ||||
URATA Poezi nga FASLLI HALITI E Premte, 01.30.2015, 08:06am (GMT1) F A S L L I H A L I T I
URATA Muhamedi kalon fushave, mbi dhè. Sheh njerëz të gëzuar, Të gëzuar Sa s'ka, Aq të lumtur i sheh E aq të hareshëm i duken ata... Ç'janë këta njerëz të lumtur kështu, Ç'i lumturon Këta Të bekuar? Ky lëng i gëzon, Ky lëng i kulluar ?! Ky lëng i perëndisë Si quhet Raki ?! Nga ferra del ?! Po e provoj... M'u çelën sytë, Marr frymë lirisht. Uratën paç moj bija e ferrës, Paç bekimin tim dhe të Perëndisë Ecën Profeti, ecën Ecën Si zot i tokës mbi tokën e bekuar. Avuj rakie enden si mjegull e dehur Që i merren këmbët në muzg, Avuj Turbullues, Avuj marramendës Avuj të dehur, pluskues . *** Po kjo përskuqje Nderur tutje Përtej, Si qefin violë mbi dhè. Po ai gjak i kuq, avullues Po ai lëng i kuq flakërues atje ? Po këta të sakatuar? Kush i sakatoi, Kush i theri robtë e zotit kështu ? Si?! Bija e ferrës I theri ata ?! Bija e ferrës, Ma bëri këtë hata!? *** Lutje të robërve të Zotit Dëgjohen kudo Lart edhe poshtë Dëgjohen Ato: Mallkoje Mallkoje, Ferrën, Profet Mallkoje mallkoje Asreti Muhamed... *** Të mallkoj Ferrën, Bijën e ferrës Ta bëj lanet..?! Robtë e mi, robtë e mi Kur unë jap uratën, e jap atë përjetë...! FASLLI HALITI
|
||||
Copyright © 2005-2008 Nulled by [x-MoBiLe]. All rights reserved. |