TREVARGSH Nga QAZIM SHEHU
E Hënë, 02.02.2015, 10:47am (GMT+1)
TREVARGSH
+++ Ora këndon, Në valle akrepash Deliri shqepet +++ Rrugë e zhdërvjellët Shirit i shpejtë Pamjesh xhiruese. +++ Nuk jam poet Thotë një i madh, I vogli gjeninë shpall +++ Pa siluetë Drithërojnë hijet Pamjeve të kohës +++ Brofin gjelbërimet E tokës ulëritëse Sëmundje ngjitëse +++ Rinorja histori s`do Të plaket kurrë Vulos e shuan një vulë +++ Bredh në ajër Pa u ndjerë Pa ty,ajri bar i zjerë.
+++ Kohë putanë,tha dikush Njeriun harroi që kohën mbush. ++ Hija e errësirës Fal ngrohtësi Një çift tek rri +++ Në zemrën e tokës Shkojnë gishta gëzimi Për faljen e drithit. ++ E përjetshme dashuria Shpallin poetët Koha si do të vetët ++ Buzë parfumuar Lëng qershie, Një helm skadon vetmie. +++ Ulërin era Përplas gishtin mbi pullaz, Pa maraz +++ Dridhet shpirti në afsh Bukuria s`e shuan Mëkati e bluan +++ Baticë dhe zbaticë Në vërshim dëshirash Delikte fshehtësirash +++ Nata zbret Drejt bardhësisë Ti ikë vetes +++ Hijeshori qiell Më kundron nga lart Zbrazëtin mbush me mëkat. ++= Mëtoj të jem ai Që duhej të isha Errësira më fut në sy gishta...
QAZIM SHEHU
|