LE TË JETË PËRJETË DASHURIA NJË FATA MORGANË Poezi nga SKËNDER BUÇPAPAJ
E Enjte, 02.12.2015, 11:20am (GMT+1)
Isha tepër i dhënë pas shkretëtirave Pas bukurisë së Saharës, Gobit, Shkretëtirës Arabike I kisha mbledhur shpesh Në Kolkozin Botëror të Shkretëtirave.
Kisha ikur shpesh prej xhunglës së dhunshme Sepse atje nuk kishe ku të vije këmbën Veçse në kokat e zvarranikëve Sepse atje nuk kishe ku të vije dorën Veçse në qafat e amfibëve.
Sepse përkundër delikatesës sime të bërë proverbiale Ata ishin të rrezikuar jo vetëm në individët Por edhe në llojin e tyre Nga mungesa e taktit në ecjen time Nga mungesa e taktit të hapave të mi Tejet të zhvilluar.
Isha tepër i dhënë pas shkretëtirave Dhe ato ishin tepër të shtëna Pas bukurisë sime Dhe pas rendit tim njerëzor.
Në breg të tyre Si në breg të lumit I lija rrobat e mia Dhe kridhesha në hapësirat e tyre.
Miliona vjet para se të arrija unë Ato kishin evakuuar gjithçka.
Nuk kishte përreth gjëkundi kërkues të naftës, Nuk kishte gjëkundi kërkues të alabastrit Tejpërtej hapësirë e paprekur Prej përgjimit të radarëve Shikimit dhe dëgjimit të satelitëve.
Isha Adami që nuk i përsërit për herë të dytë mëkatet e veta Pasi ka lexuar Talmudin, Ungjillin, Kuranin.
Ndjeja aromën time të vërtetë Të pandotur nga qeniet e tjera nëpunësore Ashtu nuk e pandehja më vetveten Nga aroma ime që kisha lënë nëpër qeniet E rendeve të ulëta Ose ultra të ulëta.
Përkundër kësaj Gjithnjë e më shumë tregohesha me gisht Në rikthimet e mia të dendura Në xhunglën e dhunshme.
Pas shpinës m'i hante ditët Zhabuleta, Pas shpinës m'i hante netët Zhabulani.
Pas rikthimeve të mia Askushët ndjenin përherë e më dhimbshëm Se unë isha tjetërkush Sepse askund nuk ishte më tek unë Era ndotëse e qenieve të tyre.
Ata nuk duronin që unë të kultivoja drejtqëndrimin, ecjen, Kultivoja hapat, vrullet njerëzore.
Shkretëtirat më zëvendësonin ujin që në xhungël mungon Ajrin e kokrrizuar në trajtat e pluhurit Që xhungla e ka.
Ato kishin shqisa vetëm për të bukurën Ato nuk kishin përshtatur asnjë shqisë për të shëmtuarën.
Isha tepër i dhënë pas shkretëtirave Dhe kjo gjithsesi shkretëtirave mund t'iu bënte dëm.
Ndaj, më mirë se bumerang, Le të jetë përjetë dashuria jonë një Fata Morganë Tokë-Tokë, Qiell-Qiell, Tokë-Qiell e kthim.
Ne të rendim pas saj Pa fund dhe pa shpresë.
SKËNDER BUÇPAPAJ
Other Articles: |
|
VEPRA "BRIGJEVE TË DRINIT, MORAÇËS E LIMIT" I RAMIZ LUSHAJ NJË MODEL I NATYRSHËM GJITHËKOHËSIENga DËFRIM CANI, Publicist, Studiues (02.12.2015) |
|
Ditari PoetikTHA BARDHI I BARDHIT TË GËRVALLË DUKAGJINITNga MENTOR THAÇI (02.11.2015) |
|
LULE TË POSAÇELURACikël poetik nga ADEM ZAPLLUZHA (02.10.2015) |
|
GJASHTËDHJETË E PESË VJET MË PARË( Me rastin e 65 vjetorit tÑ‘ masakrÑ‘s greke mbi popullsinÑ‘ e ÇamÑ‘risÑ‘)Poemë nga QERIM SKËNDERAJ (02.09.2015) |
|
PERSPEKTIVË DHE MINIATURËNga SKËNDER BUÇPAPAJ (02.09.2015) |
|
AS DITËT NUK I NGJAJNË NJËRA-TJETRËSVILHELME VRANA HAXHIRAJ, fragment nga romani 'Loja e mëkatit' (02.09.2015) |
|
RRËFENJA GAZMORE PËR DITËT ME SHINga PËRPARIM HYSI (02.07.2015) |
|
KRIJOHET DHE JEPET ÇMIMI I RI LETRAR, “SKËNDER HASKOâ€(Shpallet nisma e re, “Libra, për ditëlindjen e fëmijëve tanëâ€)Nga MURAT GECAJ (02.07.2015) |
|
SA HERË QAN HISTORIARRUSTEM GECI, Tufë poezish nga libri, "Kanuni poetik" (02.07.2015) |
|
KUR VIHEJ NË SHËNJESTËR 'DIMRI' (Tregimi është ndërtuar në bazë të një bisede me të nderuarin Pal Nikolla, Patos, i cili nuk jeton më. E publikoj si homazh për atë njeri të mirë e të mençur.)Nga QERIM SKËNDERAJ (02.06.2015) |
|