CIKËL ME POEZI PËR 'DITËN E POEZISË' Nga PËRPARIM HYSI
E Enjte, 03.19.2015, 03:23pm (GMT+1)
Fan Nolit
Kur të çojë nëna në shkollë, me një thes mbi kurriz Nuk e dinim që një ditë, ti do jesh Nderi i Shqipërisë Ne të patëm kryeministër dhe, mandej, u bëre prift Filozof e diplomat; muzikant... deri Profit!
Me ty foli historia për të madhin Skënderbe Kryevepra letërsie, ishe ti që na i dhe. Erdh Shekspiri nga Anglia dhe u ul mbi tavolinë Dhe Khajami nga Persia, "shqip" e shkroi poezinë.
Don Kishoti që nga Spanja, përvesh ushtën veç shqiptarçe Mbi gomare Sanço Pança, sikur qe nga "jona lagje?!!!" Po lirikat që vet shkrove, për "Flamur..." e për "Tomson" Brodhe "Anës lumenjëve" si ushtar në "Maratonë".
Pastaj vesh rrobën e priftit dhe kalon npërë kalvar Dhe na prive si Moisi; ti Moisiu MBarëshqiptarë! Djegur mallit për Atdhe, psallje larg i mërguar Brez pas brezi rron ndër ne, kurrë s'kemi për të harruar.
* e sjell për 50-vjetorin e vdekjes.
ATË GJERGJ FISHTËS
Po të falem ATË i shenjtë, po të bie në gjunjë, i ngrati, Se këndove me Lahutë, trimërinë me derte Frati. Kush fytyrën engjëllore, masakrisht e nëpërkëmbi Mallkuar qoftë ai, prore, se dhe varrin tuaj e nëmi.
Ti, Lahutë e gjallë Malcie, seç lëshove zë kushtrimi Ti, Apostull Shqipërie, humbe siç humbet harrimi. Ti e mbrojte Shqipërinë në Evropë e në New Jork Dhe "shpërblimi" qesharak: as për varr një copë tokë.
E kërkova varrin tënd dhe s'e gjeta as kurkund Ngushëllohem për njimend nëpër këngë me lahutë. Vij e falem para teje, tash që erdh demokracia Apostull i Shqiptarizmit, ti je vet KRENARIA
23 prill 1996
FAIK KONICËS
Burrë i ditur, i dëgjuar dhe gjithmonë enigmatik E kap penën për të shkruar, diplomat karizmatik. Brodha shumë për të gjetur; pesëdhjetë vjet të kam kërkuar Më i zgjuar e më i gjendur, kë vallë ti kishe lënduar?
Kujt i bënte hije emri; mos vallë vepra jote e çmuar "Shqipëria, një copë shkembi", historinë ka të "trazuar" Pse i lije "punët" gjysëm? Ç'demon të ndiqte nga pas? Ti diplomati me famë që me fjalë qe gurelmaz.
Të pëlqente vetmia, si të ishe krejt bohem Po për ty, Shqipëria, qe ilaç e qe melhem! Ndaj i hoqe lekët e rrugës dhe e le me testament Trupi yt, o Burrë i Shquar, në Atdhe prehej i qetë.
Dhe tani, pas 50-vjetësh, Atdhetar! Fli i qetë! Ne të kemi mes nesh: u plotësua një amanet.
25 prill 1996
NAIM FRASHËRIT
Naim Frashër-Dangëllia mbushur me derte malli I bukur si bukuria, poezinë e tij na fali Dyllë i verdhë si qiriri, me kraharorin vrima- vrima Qau si Fyell Orfeu, Shqipërinë me psherëtima.
Pa lëshonte zë kushtrimi si të ishte britmë lufte Britma hynte thellë në shpirt se kish dert e kishte dufe Pastaj "vishte" krahë pëllumbi, fluturonte rreth Shipërisë Sa i bukur që qe kumti si ta sillte prej Perëndisë.
Bukurinë e Shqipërisë seç e ngriti gjer në qiell Pa i binte njerëzisë, tjetër hënë e tjetër diell Dielli ishte krejt i "qeshur", pa dhe hëna e "gëzuar" Fati i bardhë dhe mirësia, veç nga ai na qenë dërguar.
Pastaj sulej nëpër natë, me qiri si Diogjen Magjistar i Fjalës Shqip, zbukuron, po nuk gënjen Mendja merr fushat e malet nga Kosova tek Çamëria Tretur nga derte e malle: NAIM FRASHËR - SHQIPËRIA!
* e kam shkruar me rastin e 150-vjetorit të lindjes 20 tetor 1996
LASGUSH PORADECIT
Kush e vrau shpirtin e bukur që lëshonte gjithmonë xixa Tërë jetës rrije strukur sikur vije që nga "Bibla?!" Me kostumin e roitur, vije rrotull si një Krisht Me një zemër të drobitur,vrisje natën, ndizje dritë.
Ç'mbaje fshehur në humnera, plot "xehërorë" që s'i dhe Prisje "kohëra të tjera"; plaç, moj vdekje, që s'e le! Bridhje vetëm i pangrënë, i mbështetur mbi një stap Oh, sa fjalë le pa thënë,se s'të la "hija" farmak!
Se të ndiqte si tinzare, për të futur nën lak Por ti bridhje si somnabull, duke ecur nëpër natë. Pa zë flisje si me vete, ca lirika të ëmbla-mjaltë Lagur me ujtë e Liqerit, mu në rrëzë të Malit të Thatë.
Ja, kështu, mbështetur stapit, si një shënjt e si një Krisht Mbetur ke në zemrat tona, si lirik përjetësisht.
* e kam shkruar me rastin të 100-vjetorit të lindjes.
DRITËRO AGOLLI
Nëpër ara letërsie plugun ngul si bujk Devolli Dhe mbjeëë grurë poezie made in Dritëro Agolli. Në "livadhe poezie" seç kullot si kalë azat I magjepsur dashurie, pas të ndjek, po dot s'të kap.
Se shpërthen si magmë vullkani dhe derdh llavën krejt si zjarr Lart, më lart të ngrohet nami, o POETI MAGJISTAR! Me lirikën gjithë në buzë, dora s'ndalet veçse shkruan Sa dhe Anni hundë e buzë, i thotë gjyshit:- S'të kam xhan!!!
Zbadhur koka nëpër vite,zemra krejt si të jesh i ri Vjen e feks si ylldrite, si në prozë e poezi Se për ne, s'je veç POETI, se për ne s'je PROZATORI PUBLICISTI. DEPUTETI! Je DRITËRO MADHËSHTORI! * e kam shkruar pas "Ja mëkatet e qeverisë" 2 prill 1998
Tiranë, 19 mars 2015
PËRPARIM HYSI
|