VOAL - Online Zëri i Shqiptarëve | ||||
TRIPTIK POETIK PËR SHKODRËN Sonete nga ERNEST KOLIQI E Premte, 03.20.2015, 08:21am (GMT1) SHKODRA NË MËNGJESE Këndojnë bashkë në mëngjese pesë kumbonare, këndojnë në ajri mbi Shkodër ende fjetë: mbi Maranaj qet vetllen kureshtare agimi e hjedh në liqe synin e qetë. Përhapë lajmin e zgjimit rrezja e parë të parat përshëndetje dridhen në heshti të letë, e shpejt në at lavdi dielli, qi e veshë fare Shkodra kumbon me zane, zhurmë e jetë. E ai diell prendvere i ri shprazet në shtepija udha e lulishta tue ngjallë ngjyra e shkendija, tue mbshtjellë gjithshka si nji tis ari, i hollë: skaj në skaj si lum gzimi tue rreshqitë në syt e vashave, qeshë, e mbush me dritë kaçurrelat e tyne kur shkojnë në shkollë. -- SHKODRA NË ZHEG E zhegu jetën edh' e shafitë Veç ndonji çikrik pusi tue kersitë Oh, shqetija fmijnore, n'moshë t'prarueme ! Por na sa ndiejshëm ngjat at hap, n'të shtrueme
SHKODRA NË MBRAMJE Sa ambël n'mbramje shqimet drita e diellitqi bje kadalkadale andej kah ana e malit tue lan' mbrapa ngjyrat e t'tana: zambake ar, vjollza e fletza drandofillit, e n'at zjarrm lulesh, ndez' ndër skaje t'qiellit vizaton Rozafati gurt vigana, e nëpër hyj qi kallen n'qiellt e gjana del si vetull hyjneshe hana e prillit. Prej Maranajt zbret nata (nga erdh dita), për me fil' ngjyrat qi pat falun drita, E Shkodra n'hije pak nga pak, qe, humë. Minerat përmbi të, t'bardha n'ajri, sogje qiellore duken qi e ruejn' n'gjumë kur flen nën hyj qi ia mbulojn' qiellt unjit. ERNEST KOLIQI
|
||||
Copyright © 2005-2008 Nulled by [x-MoBiLe]. All rights reserved. |