VOAL - Online Zëri i Shqiptarëve | ||||
PA MËDYSHJE Cikël me poezi nga QAZIM SHEHU E Hënë, 03.23.2015, 11:23am (GMT1) PA MËDYSHJE Le të qeshet dhimbja sa të dojë, Palaço cirku, Ligësisë së saj do i rri rojë, Helmit prej arseniku. Veç optimizmin do përqafoj Edhe rreze e kuvërt po të jetë, Dhembja nga është nisur le të shkojë, Siç ndizen e shuhen të penduara rrufetë KURM Lavdi, o zot, për të tillë kurm Që krijove në ditë pushimi, Na bën ai të nisemi për sulm Dëshirash dhe dështimi? Kaq hire dhe farfuri, Kurmit të femrës i dhe, Sa rrezet morën shkëlqim të ri, Kur e mbështollën me nge. Po kur u kthyem prej mallëngjimit I gjithi shkrirë për ne, Ish çast i fortë i pendimit Si stuhia që s`u mbars me re... PASQYRAT Vjen mosha dhe poetët thyejnë pasqyrat, E po, dikur, ato i kanë dashur, Tani kalimthi vështrojmë fytyrat, Me një ndjenjë të argasur. Edhe Anakreonti më i dashuruari, Ato nuk i deshi fort, Ia sollën grate e ngacmuara, Të shihte se dashuronte kot... +++ Thellësinë e marrë Ndez një lot, Fontanë fjale ngrihet hov... +++ Pema me gjethe të errta End mallëngjime, Në qiell retë bëhen të përhime... +++ Yje në befasi eklipsesh Shkanë sytë, Kur dashuria me dallgë të mbyt... ++++ Ky gur i bardhë, Mbi kodër rri Jeta e ngriti roje aty... +++ Gurëzimi i heshtjes Kërkon veshin e hapësirës, Pa u thërmuar... +++ Gravurë e mbrëmjes Pa një vizë Tretur prej dhembjes... QAZIM SHEHU
|
||||
Copyright © 2005-2008 Nulled by [x-MoBiLe]. All rights reserved. |