VOAL - Online Zëri i Shqiptarëve

KUR ÇERDHJA E SHQIPEVET Nga Dom PREK NDREVASHAJ E Djelë, 04.05.2015, 03:24pm (GMT1) Kur çerdhja e Shqipevet u mbush me gjak  e zogjt e tyne i plandosi mizori n'mjerim, edhe vetë dielli atëbotë u pak!    Shqipet tona ateherë flutruene, male e dete ato kaluene, Fé dhe Flamur ktu na i prune.   Llagemat kanë qellue Faltoret tona. Janë permbyzë gjoksa, tempuj te Perendisë. Ra muzgu. N' Kodër Shéjt mejti kumbona.   Shqipet tona atëherë flutruene, male e dete ato kaluene, Fé dhe Flamur  ktu na i prune. Kiza e pergjakun iau kalon te tanavet... mbi Flamur tonë... e mbi çdo krye njeriut që kemin nuk dishron t' ua truej tiranavet.   Shqipet tona atëherë flutruene, male e dete ato kaluene, Fé dhe Flamur ktu na i prune.   Çmendje ma të madhe se me u kapë me Zotin s'ka. Dyerët e shpirtit ti mbyllën tiranat, o popull! S' gjindet kush me ta shi lotin.   Shqipet tona fluturojnë, male e dete ato kalojnë fé dhe Flamir na i kallxojnë.   Të ndritun janë Burrat nëpër kambësi t'hueja që shkruen per Shqipe plot nderime e lavde. Sot Bota bindet per shembtime tueja!   Shqipet tona por flutrojnë, male e dete ato kalojnë, Fé dhe Flamur na i kalloxjnë.   Tuhatëshem si trincakët nga rribët e motit, o Bijt e Shqipevet, kerkoni botën. Ruenje Flamurin e Dashtninë e Zotit!   Shqipet tona do t'flutrojnë, male e dete do të kalojnë, Fé dhe Flamur do t'naltojnë. Nga Buletini Katolik Shqiptar Vol X 1989 Dom PREK NDREVASHAJ

Copyright © 2005-2008 Nulled by [x-MoBiLe]. All rights reserved.