POEZI NGA IGOR' SEVERJANIN DHE SANDRO PENNA Përktheu: FASLLI HALITI
E Mërkurë, 04.22.2015, 04:42pm (GMT+1)
IGOR' SEVERJANIN 1877 - 1942
GJITHÇKA SI DIKUR
«Gjithçka si njëherë e një kohë », tha qetësisht ai: "gjithçka, si dikur». E fiksoja në sytë e dëshpëruar - Gjithçka si dikur. Më përqafonte fort, më puthte shumë. Gjithçka, si dikur. Por ... diçka, gjithashtu, më mungonte: Diçka e tillë, si dikur.
SANDRO PENNA 1906-1977
TANI
Tani zëri yt do të zhduket. Dhe nesër do të bjerë edhe lulja jote. Dhe asgjë s'do të vijë më. Ndoshta jeta Shuhet në një zjarr të madh yjesh të dashuruar.
GJITHÇKA MBËSHTILLET ME ERË
Shkallët e zeza të tavernës sime ti i zbret e mbështjell me erë. Flokët e bukur të kanë rënë mbi sytë e gjallë në kupën time të largët qiellore.
Në tavernën e tymosur, të nxirë tani është aroma e portit dhe të erës. Erë e lirë që modelon trupat dhe lëviz hapin e marinarëve të bardhë.
Përktheu: FASLLI HALITI
|