VOAL - Online Zëri i Shqiptarëve | ||||
DY POEZI NGA VLADIMIR MAJAKOVSKI Përktheu: FASLLI HALITI E Enjte, 04.23.2015, 11:28am (GMT1) VLADIMIR MAJAKOVSKI 1893 -1930 Vladimir Majakovski dhe Lilya Brik në 1915 1. ZBATIMI I METAFORËS Një burri të shëndosh dhe pis i dhuruan dy puthje. Burri ishte i ngathët, nuk dinte ç'të bënte, ku t'i fuste ato. Qyteti, i gjithë në festë, këndonte Alelunë në katedralet, njerëzit dilnin jashtë që të tregonin rrobat. Por në shtëpinë e burrit bënte ftohtë, dhe në shollë kishte vrima të vogla, ovale. Ai zgjodhi një puthje, atë më të madhen, dhe e futi si një galloshe. Por të ftohtit e kafshonte, i kafshoi gishtat, "Mirë, - u zemërua burri, - i vërviti tej këto puthje të kota!. i hodhi. Dhe papritmas mbinë në puthjen veshët e saj, filloi të rrotullohej rreth vetvetes, dhe bërtiti me një zë të hollë: "Mommy!" Burri u frikësua. Mbështolli në zhelet e shpirtit, trupin drithërues, e çoi në shtëpi, për ta futur në një kornizë blu. Rrëmoi gjatë në pluhurin, (kërkonte kornizën) në valixhet. U kthye për të parë: puthja shtrihej mbi divan, e madhe, e majme Ja, e rritur, qesh, zemërohet. 2. ZBATIMI I HIPERBOLËS: Unë fluturoja si një blasfemi. Këmba tjetër më ndjek ende në rrugë pranë. Përktheu: FASLLI HALITI
|
||||
Copyright © 2005-2008 Nulled by [x-MoBiLe]. All rights reserved. |