ERDOGANI IA DORËZON POSTIN E KRYEMINISTRIT DAVUTOGLUSË
E Mërkurë, 08.27.2014, 02:32pm (GMT+1)
TURQI - Partia islamo-konservatore në pushtet në Turqi u mblodh sot për të vendosur shefin aktual të diplomacisë Ahmet Davutoglu në krye të partisë dhe të qeverisë, një ditë pas inagurimit të presidentit të sapozgjedhur Recep Tayyip Erdogan.
Presidenti turk Erdogan vendosi sot drejtimin e lëvizjes islamo-konservatore në duart e të besuarit të tij Ahmet Davutoglu duke premtuar vazhdimin e politikës së filluar që në vitin 2002.
Më shumë se 20 mijë përkrahës të ardhur me autobus nga të katërt cepat e Turqisë janë mbledhur në të hyrë të sallës ku ish-kryeministri Erdogan dhe pasuesi i tij Davutoglu mbërritën nën duartrokitje.
Ish-këshilltar diplomatik më pas ministër i Punëve të Jashtme i Erdoganit, Davutoglu, 55 vjeç, u zgjodh këtë javë nga kryesia e partisë AKP për të drejtuar partinë dhe për të marrë postin e kryeministrit.
www.voal-online.ch
|