SHBA shqetësim ndaj përparimit të Talebanit në Pakistan
E Premte, 04.24.2009, 10:19am (GMT+1)
Shtetet e Bashkuara shprehën shqetësim të thellë ndaj sukseseve ushtarake dhe politike të talebanëve në Pakistanin veriperëndimor. Një zëdhënës i Shtëpisë së Bardhë tha dje se për Uashingtonin është mjaft shqetësues fakti që militantët talebanë kanë përparuar më afër kryeqytetit Islamabad ditët e fundit. Zëdhënësi tha se kjo çështje po i merr një kohë mjaft të madhe Presidentit Obama. Sekretari amerikan i Mbrojtjes, Robert Gates tha dje se udhëheqësit e Pakistanit duhet ta kuptojnë kërcënimin dhe të marrin masa për të ndalur përhapjen e kryengritjes talebane. Duke folur dje para Kongresit amerikan, Sekretarja e Shtetit Hillari Klinton tha se ndryshimi i mendimeve tek njerëzit në Pakistan nuk do të jetë i lehtë por shtoi se fraksionet pakistaneze kanë filluar të shprehin shqetësim ndaj marrëveshjes për paqe të arritur me militantët në rajonin veriperëndimor Malakand.ZA/Voal-online.
|