Fillojnë bisedimet SHBA-Kubë
E Martë, 04.28.2009, 07:13am (GMT+1)
Evropa e Lirë - Zyrtarë amerikanë dhe kubanezë kanë filluar bisedimet joformale për ripërtritjen e dialogut midis dy vendeve, ka bërë të ditur Departamenti amerikan i Shtetit. Zëvendëssektetari amerikan i Shtetit për Amerikën Latine, Tom Shenon, do të takohet në Uashington me zyrtarin e lartë kubanez, Horhe Bolanos, ka thënë zëdhënësi i Departamentit të Shtetit, Robert Vud. Ai ka bërë të ditur se takimi i parë i zyrtarëve është mbajtur me 13 prill. Sipas tij, zyrtarët do të bisedojnë për masat e heqjes së kufizimive për udhëtim në Kubë dhe për transferin e parave të kubanezëve nga SHBA-të në atdheun e tyre, çështje këto të miratuara kohë më parë nga presidenti amerikan, Barak Obama.
|