Voal-online Bëhet e ditur se Presidenti i Shteteve të Bashkuara të Amerikës Barack Obama ka përshëndetur lirimin e gazetares amerikano - iraniane Roksana Saberi nga burgjet e Teheranit ku ishte mbajtur me akuzën për spiunim dhe dënuar me 8 vjet burgim.
Përfaqësuesi për shtyp i Shtëpisë së Bardhë, Robert Gibs, ka deklaruar se qeveria e presidentit Obama konsideron se Roksana Saberi ka qenë e pafajshme, por se "përshëndet veprimin humanitar" të autoriteteve iraniane.