VOAL - Online Zëri i Shqiptarëve | ||||
Klinton: Kina të analizojë hapur ngjarjet e 1989s në Tien An Men E Enjte, 06.04.2009, 08:35am (GMT1)
Shtetet e Bashkuara i bënë thirrje Kinës të analizojë hapur shtypjen e demonstratave të vitit 1989 në Pekin dhe të publikojë numrin e saktë të të vrarëve, të zhdukurve apo të arrestuarve gjatë operacionit ushtarak. Në një deklaratë me rastin e 20 vjetorit të ngjarjeve në Sheshin Tiananmen, Sekretarja e Shtetit, Hillari Klinton tha se Pekini duhet t'i japë të njëjtën përparësi të drejtave të njeriut siç i jep edhe reformave ekonomike në vend. Zonja Klinton bëri thirrje për përkujtim dhe reflektim "në lidhje me humbjen tragjike të jetëve të qindra njerëzve të pafajshëm". Ajo i bëri thirrje Kinës t'i japë fund keqtrajtimit të ish pjesëmarrësve në protesta, të lirojë disidentët që mbahen ende të burgosur në lidhje me to si dhe të hapë rrugët e dialogut me të afërmit e të vrarëve. www.voal-online.ch
|
||||
Copyright © 2005-2008 Nulled by [x-MoBiLe]. All rights reserved. |