VOAL - Online Zëri i Shqiptarëve

NJË AUTOKOLONË USHTARAKE RUSE FUTET NË KRIME E Djelë, 03.09.2014, 07:44am (GMT1) Një autokolonë automjetesh që dukej se i përkisnin ushtrisë ruse u futën në një bazë afër Simferopolit, kryeqytetit të Krimesë. Gazetarë të agjencive të lajmeve, të cilët xhiruan lëvizjen e autokolonës dje, thonë se në të kishte cisterna nafte, tetë makina të blinduara dhe dy ambulanca. Autokolona u fut në një fushë aviacioni nën flamurin rus. Rusia mohon të ketë trupa në Krime përveç forcave të rregullta të dislokuara në kuadër të flotës së Detit të Zi në Krime. Dëshmitarët thanë se megjithëse ushtarët nuk kishin simbole ushtarake, dukej qartë që ishin rusë. Më parë, dëshmitarët thanë se të shtëna paralajmëruese u dëgjuan kur forca pro-ruse nuk pranuan të lejonin një ekip vëzhgues të Organizatës për Sigurinë dhe Bashkëpunimin në Evropë të futeshin në Krime. Është dita e tretë radhazi që ekipi i vëzhguesve nuk lejohet të futet në rajon. www.voal-online.ch

Copyright © 2005-2008 Nulled by [x-MoBiLe]. All rights reserved.