BAN KI MUN - LUFTA NË SIRI PO SHKATËRRON TRASHËGIMINË KULTURORE
E Enjte, 03.13.2014, 07:46am (GMT+1)
Sekretari i Përgjithshëm i Kombeve të Bashkuara Ban Ki-moon thotë se lufta në Siri po shkatërron trashëgiminë e pasur kulturore të këtij vendi.
Në një deklaratë të përbashkët me shefen e çështjeve kulturore të OKB-së, Irina Bokova dhe përfaqësuesin special Lakhdar Brahimi, zoti Ban tha dje se objektet e trashëgimisë kulturore në Siri po pësojnë dëme të pariparueshme.
Disa objekte janë kthyer në fushë-beteja, përfshirë qytetin antik të Palmirës, një pallat 5000 vjeçar pranë Alepos dhe kishën 1500 vjeçare të Shën Simonit.
Zyrtarët thonë se plaçkitjet dhe trafikimi i paligjshëm i objekteve kulturore kanë marrë përmasa të papara.
Deklarata thotë se si objekte të krishtera, ashtu edhe myslimane janë bërë objekt sulmesh dhe shton se shkatërrimi i këtyre objekteve të çmueshme do të dëmtonte rëndë identitetin dhe historinë e Sirisë dhe mbarë njerëzimit. www.voal-online.ch
|
Comments (0)
Dërgoja shokut
Printo
