VOAL - Online Zëri i Shqiptarëve | ||||
KINA - IMAZHE TË MBETJEVE TË AVIONIT MALJEZIAN E Enjte, 03.13.2014, 07:49am (GMT1) Kina ka publikuar imazhe satelitore ku duken objekte që pluskojnë mbi detin e Kinës së Jugut, të cilat mendohet të jenë mbetje të avionit të shoqërisë ajrore Malaysia Airlines. Media zyrtare kineze citon një deklaratë të qeverisë sipas së cilës pamjet satelitore u morën të dielën, një ditë pasi avioni i tipit Boeing 777 u zhduk. Pamjet u bënë publike dje. Në këtë pamje duken tre objekte të mëdha në ujërat mes Malejzisë dhe pjesës jugore të Vjetnamit, si dhe trajektorja origjinale e avionit. Nuk është e qartë se çfarë pjese e avionit mund të jetë mbi det dhe askush i përfshirë në procesin hetimor nuk ka konfirmuar nëse këto objekte i përkasin avionit. Avioni i shoqërisë Malaysia Airlines nr. 370 u zhduk të shtunën herët gjatë një fluturimi nga Kuala Lumpur drejt Pekinit me 239 vetë në bord. www.voal-online.ch
|
||||
Copyright © 2005-2008 Nulled by [x-MoBiLe]. All rights reserved. |