VOAL - Online Zëri i Shqiptarëve

OBAMA NËNSHKRUAN LIGJIN PËR BLLOKIMIN E ABUTALEBIT E Shtunë, 04.19.2014, 08:34am (GMT1) Presidenti Barack Obama nënshkoi ligjin që nuk lejon futjen në Shtetet e Bashkuara të një diplomati iranian si përfaqësues i Iranit në Kombet e Bashkuara. Ligji synon të bllokojë hyrjen e Hamid Abutalebit, të cilin Amerika e akuzon për përfshirje në rrëmbimin e pengjeve amerikane në Teheran në 1979.   Ligji i nënshkruar nga Presidenti Obama dje ndalon futjen në Shtetet e Bashkuara si ambasador në OKB të kujdo që dyshohet për angazhim në spiunazh apo aktivitet terrorist dhe që mund të përbëjë kërcënim për sigurinë kombëtare amerikane. Javën e kaluar Shtetet e Bashkuara i mohuan vizën zotit Abutalebi, i cili ishte emëruar nga Irani si përfaqësues i tij në OKB. Abutalebi ishte anëtar i një grupi studentor që rrëmbeu dhe mbajti peng 52 diplomatë amerikanë për 444 pas uzurpimit nga ky grup të ambasadës amerikane në Teheran. Ai thotë se përfshirja e tij në grup ishte thjesht në rolin e përkthyesit dhe negociatorit. za www.voal-online.ch

Copyright © 2005-2008 Nulled by [x-MoBiLe]. All rights reserved.