VOAL - Online Zëri i Shqiptarëve

VRITEN 21 ROJE KUFITARE EGJIPTIANE E Djelë, 07.20.2014, 10:14am (GMT1) Persona të armatosur kanë vrarë 21 roje kufitare egjiptiane që kanë qenë të vendosur në kufi me Libinë. Zyrtarët e sigurisë kanë thënë se sulmuesit kanë qenë kontrabandues. Mirëpo, zëdhënësi i ushtrisë në faqen e tij në "Facebook" ka shkruar se "terroristët", një term që autoritetet në Egjipt e përdorin për të përshkruar militantët islamik, qëndrojnë prapa sulmit. Ai ka thënë se fillimisht është sulmuar një objekt depoje e armatimit me një raketë, duke vrarë ushtarët dhe duke lënduar të tjerë. Dy kontrabandues janë vrarë gjatë përleshjes së armatosur me rojet e kufirit, raportojnë zyrtarët e sigurisë. Presidenti egjiptian, Abdel Fattah al Sisi, rregullisht ka shprehur shqetësimin rreth militantëve që kanë përfituar nga kaosi në Libi ku edhe kanë organizuar operacione përgjatë kufirit. www.voal-online.ch

Copyright © 2005-2008 Nulled by [x-MoBiLe]. All rights reserved.