PROTESTA TË DHUNSHME NË BREGUN PERËNDIMOR KUNDËR OFENSIVËS NË GAZA
E Premte, 07.25.2014, 09:50am (GMT+1)
Të paktën dy palestinezë janë vrarë në Bregun Perëndimor ndërsa rreth 200 u plagosën gjatë protestave kundër fushatës ushtarake të Izraelit në Gaza, njoftojnë autoritetet.
Të paktën 10000 protestues marshuan nga Ramallah drejt Jeruzalemin Lindor, ku ata u ndeshën me forcat izraelite.
Ndërkohë, numri i viktimave në luftimet e Gazës vazhdon të rritet, që prej nisjes së ofensivës më 8 korrik numërohen 800 palestinezë të vrarë dhe 33 izraelitë.
Ushtria izraelite thotë se protestuesit hodhën gurë në Bregun Perëndimor ndërsa bllokuan një rrugë si pasojë e gomave të djegura.
Izraeli nisi ofensivën ushtarake kundër Gazës më 8 korrik, me objektivin për të ndalur raketat e Hamasit mbi Izraelin.
Të paktën 13 persona u vranë të enjten dhe 200 u plagosën nga një sulm i ushtrisë izraelite në një shkollë në Gaza, e cila administrohej nga OKB dhe shërbente si strehë për palestinezët.
Kryeministri izraelit, Benjamin Netanyahu tha të enjten se i vinte keq për vdekjen e çdo civili palestinez, ndërsa tha se përgjegjësi kryesor për këtë është Hamasi.
www.voal-online.ch
|