VOAL - Online Zëri i Shqiptarëve

TËRMETI TRONDIT KALIFORNINË VERIORE E Djelë, 08.24.2014, 05:16pm (GMT1) Një tërmet me magnitudë 6.0 tronditi sot në mëngjes Kaliforninë veriore. Ky është tërmeti më i madh në zonën e Gjirit të San Franciscos në 25 vjetët e fundit. Epiqendra ishte 80 kilometra në jugperëndim të Sacramentos. Nuk ka pasur njoftime për viktima apo dëme të rënda, por disa ndërtesa janë shembur pjesërisht. Lëkundjet u ndjenë në orën 3 e 20 të mëngjesit sipas kohës lokale. Departamenti i Zjarrfikëseve në distriktin Napa njoftoi se u përmbyt nga telefonatat e njerëzve që kërkonin ndihmë për lëndime të ndryshme ose zjarre të vegjël. Patrulla e Autostradave tha se është duke kontrolluar rrugët dhe urat për dëme të mundshme. Ajo tha se disa zona kanë mbetur pa energji elektrike. www.voal-online.ch

Copyright © 2005-2008 Nulled by [x-MoBiLe]. All rights reserved.