ITALIA SHPËTON 3500 EMIGRANTË NË MESDHE
E Djelë, 08.24.2014, 09:17pm (GMT+1)
Autoritetet
italiane thonë se kanë shpëtuar 3.500 emigrantë dhe kanë gjetur të
paktën 18 trupa pa jetë në Detin Mesdhe që nga e premtja.
Numri i emigrantëve që përpiqen të arrijnë në Itali nga Libia dhe
pjesë të tjera të Afrikës Veriore është rritur pasi shumë njerëz
përpiqen të përfitojnë nga deti i qetë i verës. Rreth 100,000 emigrantë
kanë arritur në brigjet e Italisë gjatë këtij viti.
Komisionerja e Bashkimit Evropian për Punët e Brndshme, Cecilia
Malmstrom tha se është e tronditur nga vdekjet e emigrantëve. Ajo tha se
Komisioni Evropian është i përkushtuar për të ndihmuar Italinë në
përpjekjet për të shpëtuar dhe ndihmuar emigrantët.
Italia thotë se shpenzon 13 milion dollarë në muaj për patrullat
ajrore dhe detare të aktivizuara pas mbytjes së më shumë se 360
emigrantëve pranë ishullit të Lampeduzës tetorin e kaluar.
www.voal-online.ch
|