TANKE DHE AUTOMJETE TË BLINDUARA RUSE HYJNË NË UKRAINËN JUGLINDORE
E Hënë, 08.25.2014, 06:27pm (GMT+1)
Një zyrtar i lartë ukrainas tha sot se tanke dhe automjete të blinduara ruse kanë hyrë në Ukrainën juglindore.
Zëdhënësi i Këshillit të Sigurimit Kombëtar të Ukrainës, Andriy Lysenko, tha se një autokolonë e përbërë nga 10 tanke, dy automjete të blinduara dhe dy kamionë, kaloi kufirin në afërsi të qytetit Shcherbak. Ai tha se automjetet ushtarake ruse mbanin flamurët e separatistëve pro-rusë të Donetskut.
Zoti Lysenko tha se autokolona mund të jetë duke u përpjekur për të hapur një front në jug të zonave ku ka patur më tepër luftime.
I pyetur për autokolonën, Ministri i Jashtëm rus Sergei Lavrov tha se nuk kishte dëgjuar gjë rreth saj dhe shtoi se rreth inkursioneve në rajon ka shumë dezinformacion.
Ai tha se Moska dëshiron të dërgojë një tjetër autokolonë me ndihma humanitare për Ukrainën lindore.
www.voal-online.ch
|