YATSENUK - UKRAINA TË KËRKOJË ANËTARËSIMIN NË NATO
E Premte, 08.29.2014, 12:04pm (GMT+1)
 Kryeministri i Ukrainës, Arseniy Yatsenyuk, tha se qeveria do të kërkojë nga parlamenti, që të tërhiqet nga statusi i vendit të painkuadruar dhe të rreshtohet për anëtarësim në NATO.
Këto komente ai i bëri derisa trupat qeveritare të Ukrianës vazhdojnë të luftojnë me separatistët prorusë në pjesën lindore të Ukrainës, në konfliktin i cili po zgjatë tash e pesë muaj.
Nga ana tjetër, NATO-ja sot e mbanë një takim urgjent në Bruksel për të diskutuar për krizën në Ukrainë.
Mbrëmë vonë në Këshillin e Sigurimit të Kombeve të Bashkuara, ambasadorja amerikane, Samantha Power, tha se "Rusia ka manipuluar dhe ka gënjyer plotësisht", për rolin e saj në Ukrainë.
Ministri i jashtëm rus, Sergei Lavrov, sot i ka pëgënjeshtruar pretendimet perëndimore për involvimin e ushtrisë ruse si "supozime", duke thënë se "nuk na është paraqitur asnjë provë e një pushtimi".www.voal-online.ch
|
Comments (0)
Dërgoja shokut
Printo
