UKRAINË - U RRËZUA SHTATORJA E LENINIT
E Hënë, 09.29.2014, 09:41am (GMT+1)
Demonstruesit në qytetin lindor Harkov në Ukrainë e kanë rrëzuar shtatoren e Vladimir Leninit.
Monumenti 20 metërsh i Leninit në Sheshin e Lirisë në Harkov, është sulmuar pak kohë pas mbajtjes së marshit për unitetin e Ukrainës, në të cilin kanë marrë pjesë mijëra njerëz. Harkovi është qyteti i dytë më i madh në Ukrainës, pas kryeqytetit Kiev.
Derisa shkatërrimin e shtatores e kanë shikuar qindra njerëz, policia nuk ishte e pranishme.
Qyteti Harkov, që është afro 20 kilometra nga kufiri me Rusinë, në muajin mars dhe prill ishte skenë e përleshjeve të dhunshme ndërmjet demonstruesve prorusë dhe ukrainasve lojalë ndaj Kievit.
Separatistët prorusë në Harkov, e kanë mbrojtur shtatoren e Leninit, gjatë përpjekjeve të mëparshme për ta larguar atë.
www.voal-online.ch
|