VOAL - Online Zëri i Shqiptarëve | ||||
USHTARËT AMERIKANË DHE BRITANIKË E PËRFUNDUAN MISIONIN AFGAN E Djelë, 10.26.2014, 11:04am (GMT1) Pamje nga një stërvitje në bazën ushtarake amerikane Leatherneck në Afganistan Njësiti i fundit i marinsave të Shtetve të Bashkuara dhe forcat e fundit ushtarake të Britanisë, sot zyrtarisht e kanë përfunduar operacionin e tyre në Afganistan, duke e dorëzuar bazën e madhe ushtarake te forcat e sigurisë vendëse. Kampi Leatherneck, që ishte bazë ushtarake amerikane në provincën jugore strategjike Helmand, është transferuar tek ushtria afgane. Kjo ishte baza më e madhe ushtarake amerikane, që tash është nën kontrollin afgan, derisa misioni luftarak i koalicionit ndërkombëtar përfundon më 31 dhjetor. Kampi i afërt i ushtrisë britanike, Bastion, po ashtu u është dorëzuar forcave afgane. Megjithaë largimin e pjesës më të madhe të pjesëtarëve të ushtrisë amerikane, sipas marrëveshjes së nënshkruar muajin e kaluar, në Afganistan do të mbeten afro 10 mijë ushtarë të Shteteve të Bashkuara, edhe pas vitit 2014. www.voal-online.ch
|
||||
Copyright © 2005-2008 Nulled by [x-MoBiLe]. All rights reserved. |