GJENERALI AMERIKAN I PREMTON UKRAINËS NDIHMË PËR T'U MBROJTUR NGA RUSIA
E Mërkurë, 11.26.2014, 07:09pm (GMT+1)
Gjenerali amerikan, Philip Breedlove
Gjenerali amerikan, i cili është komandant i lartë i NATO-s në Evropë, Philip Breedlove, ka thënë se ka një numër të madh të rusëve që po japin "˜udhëzime dhe trajnime' për forcat seperatiste në lindje të Ukrainës.
Ai ka premtuar se Shtetet e Bashkuara të Amerikës, do të mbështesin Ukrainën nga "˜kërcënimi që i vjen prej Rusisë', që të mbrojë sovranitetin e saj.
Duke folur gjatë një vizite në Kiev, sot më 26 nëntor, gjenerali amerikan, Breedlove, ka thënë se SHBA-të do të ndihmojnë Ukrainën duke ndjekur një zgjidhje diplomatike, për të zgjidhur konfliktin me separatistët pro-rusë, të cilët duhet dhe do të respektojnë sovranitetin dhe integritetin territorial të vendit.
Breedlove, ndër tjerash ka shprehur shqetësimin lidhur me aneksimin e Krimesë, nga ana e Rusisë.
"Ne jemi të shqetësuar se investimet ruse që po bëhen në Krime, do t'i mundësojnë Rusisë që të ushtrojë ndikim ushtarak mbi Detin e Zi", ka thënë Breedlove.
www.voal-online.ch
|