VOAL - Online Zëri i Shqiptarëve

RIGA - BE DISKUTON PËR KONFLIKTIN NË UKRAINË E Premte, 03.06.2015, 07:47am (GMT1) Konflikti në Ukrainë pritet të dominojë takimin joformal të ministrave të Jashtëm të Bashkimit Evropian, që nis sot në Riga të Letonisë. Sipas zyrtarëve të Letonisë, e cila aktualisht kryeson Këshillin e BE-së, bisedimet do të fokusohen në konfliktin e Ukrainës, përfshirë tensionet midis BE-së dhe Rusisë në lidhje me këtë krizë. Në prag të takimit, shefja e politikës së jashtme të BE-së, Federica Mogherini, ka thënë se ministrat do të konsiderojnë sanksionet shtesë kundër Rusisë, për shkak të mbështetjes që u jep separatistëve në lindje të Ukrainës. Zëdhënësja e Mogherinit, Maja Kocijançiq, ka thënë se ministrat e 28 vendeve anëtare do të diskutojnë edhe për dërgimin e mundshëm të paqeruajtësve ndërkombëtarë në Ukrainë. Bisedimet në Riga do të zgjasin dy ditë. www.voal-online.ch

Copyright © 2005-2008 Nulled by [x-MoBiLe]. All rights reserved.