SHBA VAZHDON PËRKRAHJEN NDAJ KRIJIMIT TË SHTETIT PALESTINEZ
Presidenti Obama ende nuk e ka uruar Netanyahun për fitoren në zgjedhje
E Enjte, 03.19.2015, 02:40pm (GMT+1)
 Zëdhënësi i Shtëpisë së Bardhë Josh Earnest
Shtëpia e Bardhë e ka rikonfirmuar përkrahjen për idenë e shtetit të pavarur palestinez, pas fitores së Benjamin Netanjahut në zgjedhjet e përgjithshme në Izrael.
Në fund të fushatës parazgjedhore, Netanjahu ishte zotuar se nuk do të lejoj krijimin e një shteti të pavarur palestinez gjatë mandatit të ri.
Zëdhënësi i Shtëpisë së Bardhë, Josh Earnest, ka thënë mbrëmë se "ka qenë pjesë e politikës së SHBA-ve për më shumë se 20 vjet ideja e zgjidhjes së konfliktit në mes të palestinezëve dhe izraelitëve përmes ekzistimit të dy shteteve".
OKB dhe Bashkimi Evropian gjithashtu i kanë kërkuar Netanjahur që të punojë drejt zgjidhjes së konfliktit përmes idesë së ekzistimit të dy shteteve.
Shtëpia e Bardhë e ka kritikuar ashpër partinë e Netanjahur për përdorimin e retorikës anti arabe gjatë fushatës parazgjedhore.
"Retorika që kërkon margjinalizimin e një segmenti të popullatës është shumë shqetësuese", ka thënë Earnest.
Presidenti Barack Obama ende nuk e ka uruar Netanjahun për fitoren në zgjedhje. rel www.voal-online.ch
|
Comments (0)
Dërgoja shokut
Printo
