VOAL - Online Zëri i Shqiptarëve

PRESIDENTI OBAMA - ME ALEATËT DO TA DISKUTOJMË ROLIN DESTABILIZUES TË IRANIT

E Martë, 04.07.2015, 08:19am (GMT1)



Presidenti amerikan, Barack Obama ka thënë se ai do të punojë me aleatët e SHBA-ve për të trajtuar "aktivitetet destabilizuese" të Iranit ne Lindje të Mesme.

Shtëpia e Bardhë ka thënë se Obama gjatë një bisede telefonike i ka thënë Sultan Qaboos, liderit të Omanit se Uashingtoni do të punojë me vendin e tij dhe "partnerët e tjerë të rajonit për të trajtuar aktivitetet destabilizuese të Iranit në rajon".

Omani është një nga anëtarët e Këshillit të Bashkëpunimit të Gjirit që e kundërshton përfshirjen e Iranit në përkrahjen që i jep rebelëve shiit Huthi në Jemen.

Omani dhe vendet e tjera arabe e kanë akuzuar Iranin se ka nxitur beteja që deri më tash e kanë destabilizuar Sirinë, Irakun, Libanin dhe Bahrejnin.

Obama së fundi ka ftuar liderët e vendeve të Gjirit arab në Uashington për bisedime. rel

www.voal-online.ch


Copyright © 2005-2008 Nulled by [x-MoBiLe]. All rights reserved.