VOAL - Online Zëri i Shqiptarëve | ||||
BISEDIMET PËR IRANIN DO TË RINISIN MË 21 PRILL E Martë, 04.14.2015, 07:34pm (GMT1) Irani ka bërë të ditur se ai dhe gjashtë fuqitë botërore do rinisin bisedimet për arritjen e marrëveshjes përfundimtare për kufizimin e programit bërthamor të Iranit, më 21 prill. Ministri i Jashtëm iranian, Mohammad Javad Zarif, ka thënë të martën në Madrid se zyrtarët iranianë dhe të BE-së, së bashku me përfaqësues të Francës, Britanisë, Gjermanisë, Kinës, Rusisë dhe Shteteve të Bashkuara do të fillojnë "hartimin e tekstit" të marrëveshjes së përhershme. Zarif nuk ka saktësuar se ku do të mbahen bisedimet. Irani dhe gjashtë fuqitë botërore kanë arritur marrëveshjen kornizë më 2 prill në Lozanë të Zvicrës. Sipas dokumentit, Irani do të kufuzojë programin e tij bërthamor në këmbim të lehtësimit të sanksioneve ekonomike. Marrëveshja përfundimtare duhet të arrihet deri më 30 qershor. rel www.voal-online.ch
|
||||
Copyright © 2005-2008 Nulled by [x-MoBiLe]. All rights reserved. |