Kancelarja gjermane, Angela Merkel dhe ish-të burgosur të kampit famëkeq të përqëndrimit të Dachaut, u takuan sot për të përkujtuar 70-vjetorin e çlirimit të tij.
Gjatë 12 muajve të përkujtimit të barbarizmave naziste kjo është e vetmja herë ku kancelarja gjermane do të marrë pjesë në një ceremoni që zhvillohet në një kamp përqëndrimit, shtuar këtu edhe faktin se mosha e shtyrë e ish-të burgosurve nuk mund të lejojë pjesëmarrjen në të gjitha këto ceremoni.
Angela Merkel pritet të flasë përpara një prej krematoriumeve që kishte kampi i lokalizuar 17 kilometra në veriperëndim të Mynihut, i krijuar nga nazistët në 1933-in.
Në ceremoni janë rreth 130 të mbijetuar, të cilët do të hyjnë në kamp nga dera ku shkruhej motoja naziste "Arbeit macht frei" ("Puna të bën të lirë")