Mijëra njerëz janë mbledhur mbrëmë
në qytetin amerikan Baltimorë për ta mbajtur atë që organizuesit thanë
se ishte "tubim i fitores", një ditë pasi gjashtë oficerë të policisë
janë akuzuar për vdekjen e të riut zezak, Freddie Gray, i cili vdiq
derisa ishte në arrest policor.
Sipas raporteve lokale, demonstrata paqësore filloi me marshin e disa
qindra njerëzve, por ajo u rrit në mijëra pjesëmarrës të tubuar para
ndërtesës së bashkisë së qytetit.
Situata e mbrëmshme, në masë të madhe dallohej nga ajo e trazirave të
27 prillit, kur guvernatori i ftoi pjesëtarët e Gardës Kombëtare, për
ta vënë situatën nën kontroll.
Me këtë rast, ishin djegur dhe vjedhur dyqane, ndërsa disa persona ishin arrestuar nga policia, derisa ishte rivendosur rendi.
Më 1 maj, prokurorja shtetërore në Baltimorë, Marilyn Mosby, i akuzoi
gjashtë oficerë të policisë, që ishin të përfshirë në arrestimin e të
riut 25 vjeçar, Freddie Gray, më 12 prill.rel