VOAL - Online Zëri i Shqiptarëve | ||||
Bashkimi Evropian hedh poshtë planin për ndihmë ndaj Evropës Lindore E Hënë, 03.02.2009, 08:44am (GMT1) Bashkimi Evropian hedh poshtë planin për ndihmë ndaj Evropës Lindore Zëri i Amerikës - Krerët e Bashkimit Europian e kanë kundërshtuar planin financiar të shpëtimit me vlerë prej disa miliarda dollarësh për vendet e Evropës Lindore, të cilat po ballafaqohen me krizën globale ekonomike. Kryeministri hungarez, Ferenc Gyurscasny, nxiti fuqishëm miratimin e planit të shpëtimit me vlerë prej 240 miliardë dollarësh, duke paralajmëruar se një Perde e re e Hekurt mund ta ndajë Evropën mes të pasurve dhe të varfërve. Por kancelarja gjermane Angela Merkel tha pas takimit në Bruksel dje, se një plan i vetëm i shpëtimit nuk është një gjë e mençur. Ajo tha se çdo vend gjendet në një situatë të ndryshme dhe se duhet të shikohet rast pas rastit. Kryeministri çek Mirek Topolanek, vendi i të cilit kryeson presidencën e radhës të BE-së, tha se Bashkimi nuk do të lerë askënd prapa. |
||||
Copyright © 2005-2008 Nulled by [x-MoBiLe]. All rights reserved. |