Voal-online Shtetet e Bashkuara të Amerikës kanë në program ta ftojnë një delegacion iranian në Konferencën Ndërkombëtare për Afganistan, të cilën kanë ndërmend ta organizojnë më 31 mars. Këtë e ka bërë të ditur një zyrtar i lartë i SHBA, i cili ka shpjeguar se "Irani do të jetë i ftuar për të marrë pjesë" në konferencën e paralajmëruar nga Sekretarja e Shtetit Hillary Clinton gjatë mbledhjes së Ministrave të Jashtëm të NATO-s në Bruksel.