Televizioni shtetëror i Iranit njoftoi se autoritetet e kanë arrestuar vajzën e ish presidentit Hashemi Rafsanxhani bashkë me katër anëtarë të familjes së tij, për shkak se kanë marrë pjesë në tubimet protestuese pa leje.

Televizioni njoftoi se ata janë arrestuar mbrëmjen e së shtunës.

Televizioni shtetëror transmetoi pamje të Fazih Hashemi, vajzës më të madhe të Rafsanxhanit, duke iu drejtuar qindra përkrahësve të opozitës javën e kaluar.

Rafsanxhani nuk e ka fshehur pakënaqësinë me presidentin Mahmud Ahmadinexhad, fitoren e të cilit në zgjedhjet e 12 qershorit e konteston kandidati i opozitës, Mirhosein Musavi.

Ky i fundit e ka akuzuar Rafsanxhanin dhe familjen e tij për korrupcion.

Televizioni shtetëror iranian tha se 10 njerëz e kanë humbur jetën dhe më shumë se 100 janë plagosur në përplasjet e djeshme në Teheran ndërmjet policisë dhe demonstruesve që përkrahin opozitën.

Lideri i opozitës në Iran, Mirhosein Musavi tha se Republika Islamike duhet të pastrohet nga ato që ai i quajti gënjeshtra dhe pandershmëri.

Deklarata e Musavit në Internet vijnë pasi ithtarët e tij i vazhduan protestat kundër zgjedhjeve presidenciale që i fitoi Mahmud Ahmadinexhad.

Policia përdori gaz lotsjellës dhe vrushkuj uji për t’i penguar demonstruesit që të vijnë tek sheshi kryesor në Teheran, ndërsa televizioni shtetëror shfaqi pamje të autobusëve të djegur.

Lideri suprem, Ahjatollah Ali Hamnei paralajmëroi kundër demonstrave të reja, ndërsa mediat shtetërore njoftuan se një sulmues vetëvrasës e ka hedhur veten në erë te mauzoleu i Ajatollah Homeinit, duke vrarë dy vetë dhe plagosur tetë të tjerë.

Trupi më i lartë legjislativ, Këshilli i Kujdestarëve të revolucionit, tha se ishte i gatshëm t’i rinumërojë 10 përqind të votave në zgjedhjet e kontestuara, për t’i plotësuar ankesat e Musavit dhe dy kandidatëve të tjerë

Nuk ka asnjë të shpëtuar

Voal-online – Kanë vdekur të shtatë pasagjerët e një helikopteri privat që është përplasur mbi malin Kordon (Cordon), në juglindje të Frnacës. Kjo bëhet e ditur nga njësitë e shpëtimit dhe nga autoritetet lokale të vendngjarjes.

Incidenti ka ndodhur dje aty nga ora 19:00, kur një helikopter i kompanisë Azur Helicoptöre, i cili po bënte një kqyrje të zonës dhe po vinte nga parku i dëfrimeve të Walibi, ka rënë për arsye edhe të panjohur në një zonë të pabanuar.

Viktimat janë piloti i kompanisë ajrore dhe gjashtë punonjës të parkut të dëfrimeve të cilët kishin përfituar nga një ditë e lirë për të ndërmarrë fluturimin. Pesë nga viktimat e ngjarjes kanë vdekur menjëherë, kanë referuar burimet lokale.

“Ka qenë një dëshmitar ai që ka dhënë alarmin. E ka vënë re helikopterin blu e bardh të fluturojë ulët dhe pastaj e ka parë të jetë zhdukur. Pastaj ka ndjerë një zhurmë të madhe dhe një erë të keqe të përhapur gjithandej,” ka thënë kapiteni Frederic Bertin i qendrës së urjgencave. Autoritetet lokale kanë bërë të ditur se në momentin e rrëzimi moti ishte i mirë. Janë hapur hetime për t’u marrë vesh shkaqet e rrëzimit të helikopterit.

Media në Iran njofton se kryetari i parlamentit Ali Larixhani ka lënë të kuptohet se shumica e popullit iranian beson se rezultatet e zgjedhjeve parlamentare nuk janë të sakta dhe se mendimi i tyre duhet të respektohet.

Sipas njoftimeve, zoti Larixhani tha se duhet të bëhet dallim mes atyre që venë në pikëpyetje rezultatet e zgjedhjeve dhe atyre që organizojnë protesta të dhunshme.

Kryetari i Parlamentit tha gjithashtu se Këshilli i Mbikqyrësve, organi i fuqishëm që mbikqyr zgjedhjet nuk duhet të tregohet i njëanshëm por të përdorë çdo mjet për të bindur protestuesit se ankesat e tyre do të shqyrtohen me kujdes.

Më parë, televizioni shtetëror iranian njoftoi se Këshilli Mbikqyrës ka rënë dakord të rinumërojë 10 përqind të votave në praninë e përfaqësuesve të kandidatëve për president.

Dje, mijra iranianë u përleshën me policinë megjithë paralajmërimin e udhëheqësit suprem të vendit për të ndalur protestat.

Dje, mijra iranianë u përleshën me policinë megjithë paralajmërimin e udhëheqësit suprem të vendit për të ndalur protestat.

Dëshmitarët në kryeqytetin Teheran thonë se policia përdori gaz lotsjellës, shkopinj gome dhe pompa uji në përpjekje për të shpërndarë mbështetësit e kandidatit që humbi në zgjedhjet presidenciale të javës së kaluar, Mir Hosein Musavi. Demonstruesit thërrisnin “Vdekje diktatorit”.

Televizioni shtetëror konfirmoi disa incidente, duke thënë se policia u përlesh me ata që u përpoqën të zhvillonin protesta të paligjshme kundër rezultatit të zgjedhjeve.

Dëshmitarët në Teheran thonë se policia përdori sot gaz lotsjellës, shkopinj gome dhe pompa uji në përpjekje për të shpërndarë mijëra protestues.

Televizioni shtetror konfirmoi disa incidente, duke thënë se policia u përlesh me ata që u cilësuan si elementë që u përpoqën të zhvillonin protesta ilegale kundër rezultatit të zgjedhjeve presidenciale.

Kandidati presidencial, që humbi, Mir Hussein Mousavi bëri një deklaratë sot për Këshillin Suprem të Iranit, në të cilën përsëriti thirrjen e tij për shpalljen të pavlefshëm të rezultatit të zgjedhjeve. Ai nuk komentoi rreth protestave.

Ky Këshill, organi më i lartë legjislativ i Iranit, paralajmëroi kandidatin presidencial Mir Hussein Mousavi se ai do të mbajë përgjegjësi për “pasojat e protestave ilegale”.

Iran ka ndaluar mbulimin e demonstratave nga media e pavarur, por dëshmitarë të shumtë thonë se mijëra banorë dolën nëpër rrugë duke mospërfillur paralajmërimet e qeverisë.

Ajo që po ndodh në rrugët e Teheranit është mësim që bën histori: nuk janë armët apo policia sekrete, në fund të fundit, por gatishmëria e qindra mijëra njerëzve që ta rrezikojnë jetën e tyre për ta protestuar padrejtësinë.

Kjo është ajo që e përmbysi shahun e Iranit në vitin 1979 dhe tash po i lëkund klerikët. Kjo është politika e gjallë: populli i paarmatosur, duke mos i përfillur ushtarët me armë dhe është përbërës nga i cili janë bërë revolucionet.

A do të ketë sukses në Iran, është e pamundur të parashikohet, por tashmë kjo lëvizje e ka hedhur në litar regjimin me vetëbesim. Për të kuptuar se përse regjimi është i frikësuar, duhet të shtrohet kjo pyetje: sa shumë nga demonstruesit në paradën në rrugët e Teheranit ishin shkencëtarë bërthamorë, ose motra e vëllezër apo kushërinj të tyre?

Lexuam se vajza më e madhe e kandidatit opozitar presidencial, Musavi, është fizikane bërthamore, e sa të tjerë? Sa shumë të pakënaqur janë në Gardën Revolucionare dhe ndër veteranët e luftës?

Ligjvënësit amerikanë miratuan një rezolutë, e cila dënon shtypjen e demonstruesve në Iran dhe ndalimin e mediave të lajmeve dhe të komunikimit në vend.

Dhoma e Përfaqësuesve e Kongresit amerikan miratoi me 405 vota pro dhe 1 votë kundër rezolutën që dënon “vazhdimin e dhunës kundër demonstruesve nga ana e qeverisë dhe milicive pro-qeveritare”.

Kjo rezolutë është përgjigja më e ashpër deri tani e zyrtarëve amerikanë, pas deklaratave të kujdeshme për disa ditë me radhë nga e administrata Obama lidhur me zgjedhjet e kontestuara. Mbështetësit kryesorë të rezolutës i kanë kërkuar administratës Obama që të mbajë një qëndrim më të ashpër ndaj shtypjesës së protestuesve nga qeveria e Teheranit.

Po sot, Bashkimi Evropian shfaqi shqetësim serioz rreth përgjigjes së qeverisë iraniane ndaj demonstruesve, duke vënë në pikpyetje ligjshmërinë e rizgjedhjes së Presidentit Mahmud Ahmadinexhad.

Me anë të një deklarate të përbashkët sot, udhëheqësit BE-së i bënë thirrje qeverisë iraniane që t’u njohë të gjithë qytetarëve të drejtën për të demonstruar dhe për t’u shprehur në mënyrë paqësore. /ZA

Udhëheqësi suprem i Iranit, Ajatollah Ali Khamenei,  paralajmëroi veprimtarët e opozitës t'u japin fund  protestave në rrugë lidhur me zgjedhjet presidenciale të javës së kaluar.

Në fjalimin e tij të parë drejtuar vendit pas votimeve të 12 qershorit, Ajatollah Khamenei mbështeti Presidentin Mahmoud Ahmadinexhad si fituesin e padiskutueshëm të zgjedhjeve. Ai u tha udhëheqësve të opozitës se po nuk u dhanë fund protestave do të jenë përgjegjës për çdo veprim dhune.

Përkrahësit e kandidatit presidencial, Mir Hosin Musavi, kanë zhvilluar demonstrata të përditëshme kundër rezultatit të votimeve, për të cilin thanë se ishte i manipuluar në favor të zotit Ahmadinexhad.

Ajatollah Khamenei mbrojti legjitimitetin e votimit në fjalimin që mbajti gjatë lutjeve të sotme, kur tha se fitorja me një diferencë prej 11 milionë votash është tepër e madhe për t'u manipuluar.  Udhëheqësi suprem i Iranit dënoi gjithashtu ndërhyrjet e huaja, siç u shpreh ai, që kanë vënë në diskutim rezultatin e zgjedhjeve.

Sekretari amerikan i Mbrojtjes, Robert Gejts tha se Shtetet e Bashkuara kanë marrë masa për të mbrojtur territorin e tyre pas njoftimeve se Koreja e Veriut po përgatitet të lëshojë një raketë balistike drejt Havait.