MOSKË â€” Rusia zyrtarisht i dha fund atij që ajo e quan operacion të saj të kundërterrorizmit në rajonin jugor të Çeçenisë të enjten me një shpallje që mbante një peshë simbolike si fund I një dekade të betejave separatiste muslimane për pavarësi..Shpallja nënvizonte suksesin e Ramzan A. Kadyrov, në vendosjen e një stabiliteti të brishtë, që, mes të tjerash, lejoi të fillojë rindërtimin në Grozni, kryeqytetin e zhdukur. Por kritikët thonë se paqja u arrit nëpërmjet fushatash të brutalitetit të pakursyer që kanë përfshirë dhunime të të drejtave të njeriut.

Evropa e Lirë - Rusia njoftoi për përfundimin e operacioneve të saj prej një dekade kundër terrorizmit në republikën jugore të Çeçenisë. Komiteti rus kundër terrorizimit bëri të ditur sot se presidenti Dmitri Medvedev dha urdhër për ndalimin e operacioneve, vendim i cili hyri në fuqi menjëherë. 

Presidenti rus Dmitir Medvedev aludoi muajin e kaluar për këtë lëvizje, duke thënë se përmirësimi i gjendjes së sigurisë në Çeçeninë me popullatë myslimane mund të bëjë të mundur ndërprerjen e operacioneve kundër terrorizmit. Presidenti çeçen pro-Kremlinit Ramzan Kadirov, i cili dikur luftonte në krahun seperatist, shpalli festë në vendin e tij për të kremtuar këtë ngjarje. Ai tha se tërheqja e forcave ruse do të rrisë ndjeshëm ekonominë vendase.

Zëri i Amerikës - Marina e Shteteve të Bashkuara arriti të lirojë kapitenin amerikan që mbahej peng nga piratët përballë brigjeve të Somalisë.

Në Bahrein, kreu i Komandës Qendrore të Marinës amerikane, Nënadmirali Bill Gortni tha se komandanti në vendin e ngjarjes u bind të dielën se kapiteni Riçard Filips ishte në rrezik jete prandaj urdhëroi snajperët e marinës të hapnin zjarr kundër piratëve.  Tre piratë u vranë ndërsa i katërti u kap. Admirali Gortni tha se të paktën njëri prej piratëve i kishte drejtuar armën kapitenit kur snajperët hapën zjarr. Ai tha se Presidenti Obama i kishte autorizuar komandantët të përdornin forcën nëse bindeshin se kapiteni Filips ishte në rrezik. Kapiteni i liruar u dërgua në një anije të marinës amerikane ku u ekzaminua nga mjekët të cilët thanë se ai gëzonte shëndet të plotë.

Voal-online - Rreth 300 demonstrantë protestuan sot në qytetin Vladivostok, në lindjen e largët të Rusisë, kundër planeve të qeverisë për modernizimin radikal të armatës.
Tubimin në Vladivostok e organizoi dega rajonale e Unionit të Oficerëve, ku kryesisht bëjnë pjesë pensionistët ushtarakë.
Protesta që u zhvillua në bazën e Flotës së Paqësorit është njëra nga protestat më të mëdha të organizuara deri më sot.
Reformat e planifikuara ushtarake parashohin reduktimin drastik të oficerëve dhe shpërndarjen e shumë njësiteve ushtarake.
Muajit e fundit Vladivostoku është bërë qendra e protestave antiqeveritare për shkak të krizës ekonomike globale.

Zëri i Amerikës - Pas disa ndërhyrjeve në Ballkanin perëndimor dhe investimeve të konsiderueshme të komunitetit ndërkombëtar, vendet e rajonit kanë bërë përparim në ndërtimin e institucioneve demokratike dhe realizimin e aspiratave Euro-Atlantike. Megjithatë, sfidat vazhdojnë të mbeten të shumta dhe në disa vende rrezikojnë minimin e rezultateve të arritura deri tani. Komisioni amerikan i Helsinkit zhvilloi një seancë që synonte të nxirrte në pah sfidat e ardhshme të Ballkanit Perëndimor dhe për të dëgjuar rekomandimet në përballimin e tyre nga administrata e re amerikane dhe partnerët evropianë. Në seancën e komisionit të Helsinkit dëshmitarët e ftuar u ranë dakort se pavarësisht nga përparimi domethënës në disa fusha, Ballkani Perëndimor mbetet ende një rajon i brishtë ku Shtetet e Bashkuara dhe Evropa duhet të vazhdojnë angazhimin e tyre.