Në Shqipëri autoritetet ekstraduan sot drejt Shteteve të Bashkuara Almir Rrapon, ish sekretarin e ministrit Ilir Meta gjatë kohës kur ai drejtonte diplomacinë shqiptare.
Njoftimin për esktradimin e bëri avokati i tij Ardian Visha i cili thotë se është vënë në dijeni jo në rrugë zyrtare duke shpjeguar se klienti i tij është marrë sot në orët e para të mëngjesit nga burgu dhe sipas verifikimeve në agjensitë e udhëtimeve është nisur nga Tirana me avionin e linjës austriake.
Për ekstradimin e Almir Rrapos, i kërkuar nga drejtësia amerikane e cila ka ngritur ndaj tij 9 akuza që nga trafiku i lëndëve narkotike deri te dyshimet për bashkëpunim në vrasje, ka patur dy vendime të gjykatës së shkallës së parë dhe të Apelit.
Por Gjykata e të drejtave të Njeriut në Strasburg kërkoi mosekezekutimin e vendimit deri në shprehjen edhe të Gjykatës së lartë. Në fakt kjo gjykatë, sipas avokatit Visha, dy ditë më parë fiksoi për të premten e ardhshme datën e seancës për cështjen e Almir Rrapos, ndërkohë që sipas ministrisë së Drejtësisë, ministri Bujar Nishani e kish firmosur ekstradimin që më datë 1 nëntor.
(http://www.voanews.com/albanian)
Comments (0)
Dërgoja shokut
Printo
