Në një intervistë në gazetën "Danas" ai është shprehur për marrëdhënie të mira fqinjësore me të gjithë, ndërsa ka theksuar se "Kosova është shtet i pavarur, pavarësisht nga ajo se a është apo jo e njohur nga ana e Serbisë".
"Sa na përket ne, Kosova sot funksionon si tërësi territoriale dhe administrative shtetërore", ka thënë kryeministri Thaçi.
I pyetur rreth ideve për "dialog politik" mes Kosovës dhe Serbisë, ai ka theksuar se statusi i Kosovës si shtet i pavarur dhe sovran është i zgjidhur dhe nuk mund të ketë asnjë dialog për këtë.
"Në anën tjetër, nëse nën "˜dialogun politik' do të nënkuptohej gatishmëria e liderëve të dy shteteve të pavarura që suksesshëm të fillojnë kapitullin e paqes dhe mirëkuptimit të dyanshëm atëherë që sot ju vërtetoj mbështetjen time të plotë për këtë", ka theksuar Thaçi.
Ai është pyetur edhe rreth "ofertës së fundit" të Prishtinës për "statusin e veriut të Kosovës", ndërsa është përgjigjur se "oferta e parë dhe e fundit janë zgjidhjet e parapara me planin e Ahtisaarit, por gjithashtu edhe me Kushtetutën e Republikës së Kosovës".
"Mendoj se kjo çështje ka përfunduar", është përgjigjur, mes tjerash kryeministri Thaçi, i pyetur rreth mundësisë që në kuadër të dialogut në Bruksel mes Prishtinës dhe Beogradit të bisedohet edhe për dy vendkalimet kufitare në veri.
(http://www.lajmishqip.com)