VOAL - Online Zëri i Shqiptarëve | ||||
NDËRRON JETË SABRI GODO E Shtunë, 12.03.2011, 04:41pm (GMT1) Tiranë, 03 Dhjetor 2011 - Pas një sëmundje të rëndë në mushkëri, të shtunën ka ndërruar jetë në moshën 82-vjeçare, shkrimtari dhe politikani i njohur Sabri Godo. Ai prej gati shtatë muajve vuante nga një sëmundje e rëndë në mushkëri, ndërsa edhe pas ndërhyrjes së mjekëve, gjendja e tij shëndetësore ishte e vështirë. Godo mbante kohët e fundit postin e presidenti të nderit të Asamblesë Kombëtare të Partisë Republikane të Shqipërisë. Ai u lind në Delvinë më 8 gusht 1929. Ka pasur veprimtari të dendur në publicistikë, veçanërisht në revistën "Hosteni", ku ka botuar mbi tri mijë faqe fejtone e shkrime kritike me pseudonime. Në janar të vitit 1991 Sabri Godo themeloi Partinë Republikane të Shqipërisë dhe ishte kryetar i saj për shtatë vjet. Ka qenë deputet i Kuvendit të Shqipërisë në dy legjislatura, ku ka ushtruar detyrën e kryetarit të Komisionit të Çështjeve Sociale dhe të atij të Politikës së Jashtme. Ai ka qenë një nga hartuesit kryesor të kushtetutës. www.voal-online.ch
|
||||
Copyright © 2005-2008 Nulled by [x-MoBiLe]. All rights reserved. |