BEOGRAD- Shtrëngimi i duarve nga kryetari i Partisë Demokratike të Serbisë, njëkohësisht ish-president i Serbisë Boris Tadic me kryeministrin e Kosovës, Hashim Thaçin, të shtunën në Dubrovnik, ka qenë gjest personal i Tadic, ka theksuar presidenti aktual i Serbisë, Tomislav Nikolic, raportojnë mediat serbe.
Presidenti Nikolic, pas takimit me kryepatriarkun serb Irinej, duke iu përgjigjur interesit të gazetarëve rreth takmit Tadic-Nikolic, bëri me dije se edhe pse kishte biseduar me Boris Tadic një ditë para vizitës së këtij të fundit në Dubrovnik, ai nuk është njoftuar rreth takimit, raporton gazeta Blic.
"Po të më thoshte, do t’i rekomandoja, për hir të tij, që të mos shtrëngojë duart me njeriun i cili gjendet nën akuza të rënda”, tha Nikolic.
Në këtë vijë, Nikolic deklaroi se ai kurrë nuk do të shtrëngonte duart me Thaçin, pa vërtetuar nëse akuzat për krime ndaj serbëve do të vërtetoheshin. (bw)
Comments (0)
Dërgoja shokut
Printo
