TIRANË - Përfundoi tentativa e ish-të përndjekurit politik Gjergj Ndreca për ti dhënë fund jetës. Gjendja e ish te perndjekurit u paraqit e rënduar pasi mësohet se ndodhej në gjendje të alkolizuar.
Ish-i përndjekuri politik Gjergj Ndreca kërcënoi per me shume se 2 orë se do të vetëvritej. E gjithë skena u zhvillua qe prej ores 20:10 minuta në qendër të Tiranës, ku Ndreca hipi në monumentin e heroit kombetar “Skënderbeu”, nga ku kërcënoi se do të hidhej. Forca të shumta policie shkuan në vendngjarje dhe nisën negociatat me Ndrecën, që ai të mos e ndërmarrte një veprim të tillë.
Ndreca nje emër i njohur per mediat, pasi kujtojmë se njihet për incidentet me personalitete të njohur të politikës, së bashku me ish-të përndjekurin Lirak Bejko, kërkuan të nisin nje greve urie te pazakonte, pasi nuk janë dakort me vendimin për procesin gjyqësor me deputetin Ilir Rusmajli. Bejko mësohet ka zbritur nga monumenti i pari, ndërkohë që Ndreca pas negociatave me policinë rreth orës 22:55 i dha fund 'aventurës' së tij.
Ndreca theksoi se ai proteston kundër padrejtësisë që po i bëhet me gjyqin për goditjen e deputetit demokrat, Ilir Rusmaili dhe për kushtet e ish-të përndjekurve.
INCIDENTET
Më 17 shkurt Gjergj Ndreca u ndalua nga Policia e Tiranës për goditje dhe fyerje ndaj personaliteteve të njohur politik dhe jo vetëm. Ndreca së bashku me Lirak Bejkon, më datë 16 shkurt goditën me grusht deputetin Ilir Rusmajli gjatë kohës që ky po dilte nga ambientet e parlamentit. Vetëm 6 ditë më pas, Gjergj Ndreca raportohet të ketë goditur avokatin Agim Tirana, po në afërsi të Parlamentit të Shqipërisë.
Ndërkohë më 1 mars Ministri i Financave Ridvan Bode është fyer teksa po kalonte para Institutit të Ish të përndjekurve politik për shkak se ata nuk kishin mundur të marrin asnjë qindarkë nga dëmshpërblimi i viteve të burgut në kohën e diktaturës. (bw)
Comments (0)
Dërgoja shokut
Printo
