Mitrovicë, 10 korrik-Rreth 400 veta kanë marrë pjesë në protestën e organizuar të hënën nga struktura politike dhe grupe kriminale serbe në veri të Mitrovicës dhe Kosovës, kanë njoftuar burime të gazetës nga ajo pjesë e qytetit.
Duke iu drejtuar të pranishmëve, kreu ilegal i Komunës së Mitrovicës, Kërstimir Pantiq, ndër të tjetra ka theksuar se serbët nuk dëshirojnë pranin e KFOR-it dhe të EULEX-it në veri, pasi që ata “kanë kaluar në anën e institucioneve të Kosovës”. Sipas tij, serbët, pa marrë parasysh presionet që iu vijnë nga bashkësia ndërkombëtare - në këtë rast EULEX-i - do të qëndrojnë aty. “Ky është popull që sa më shumë t’i bësh presion, ai qëndron e bëhet më i fortë dhe është i gatshëm të hyjë edhe në luftë, qoftë edhe me qeverinë e vet, por edhe me bashkësinë ndërkombëtare, nëse presioni vazhdon”, ka thënë Pantiq.
(koha)
Comments (0)
Dërgoja shokut
Printo
