Aleksandër Arvizu ka kërkuar nga klasa politike shqiptare plotësimin e kritereve për të marrë statusin e vendit kandidat në BE dhe që ky proces të mos jetë thjesht për fasadë.
“Në fakt SHBA nuk kanë votë që vendi juaj të marrë statusin e kandidatit në BE, por qartësisht ne mbështesim qëllimin e thënë nga të gjithë drejtuesit e Shqipërisë që vendi juaj të bëhet pjesë e BE-së” -u shpreh Arviziu. Përsa kohë që këto zhvillime po e lëvizin vendin drejt atij drejtimi, atëherë ne jemi mjaft mbështetës për këtë, por unë gjithmonë kam thënë aq sa e admirueshme është që mund të arrihet statusi i kandidatit për mua është e rëndësishme që këto gjëra të mos bëhen thjesht për të marrë statusin e kandidatit, por se janë të rëndësishme për zhvillimin e vendit, ka pohuar në fjalën e tij ambasadori amerikan gjatë një takimi të zhvilluar mesditën e të shtunës me shoqërinë civile në qytetin e Gjirokastrës.
Ne e kemi mirëpritur marrëveshjen për Reformën Zgjedhore, kjo është qartazi shumë e rëndësishme për vendin. Jam veçanërisht i kënaqur që palët kanë arritur një marrëveshje për Kodin Elektoral.
Ndërkohë për nismat e mara së fundi për heqjen e imunitetit, ambasadori Arvizu është shprehur se pret me kënaqësi 6 gushtin, kur dhe është planifikuar të zhvillohet seanca e votimit për heqjen e imunitetit.
Mendoj që janë duke qarkulluar versione, drafte të ndryshme. PD ka përgatitur një draft, po ashtu edhe LSI, kështu që qartazi të gjithë duan të bëjnë diçka për heqjen e imunitetit, ndaj mendoj se kjo është jetike dhe e rëndësishme sepse ka gjyqtarë të mirë, ka parlamentarë të mirë po gjithashtu ka edhe hajdutë mes tyre, kështu që çështja e imuniteteve abuzohet në këtë vend dhe nëse njerëzit do të ishin seriozë për përmirësimin e shtetit ligjor, atëherë duhet të ketë një marrëveshje për heqjen e imuniteteve, shpreh prerë ambasadori amerikan.
Këto deklarata, përfaqësuesi i shtetit amerikan në Shqipëri, i ka bërë në fund të një turi dy ditor që ka zhvilluar në qytetin e Gjirokastrës të cilat kanë patur në qendër nismën “Vepro tani” si dhe promovimin e trashëgimisë historike dhe kulturore në qytetin e gurtë.
Comments (0)
Dërgoja shokut
Printo
