Sarkozy kërkon përfundimin e menjëhershëm dhe pakushte të luftimeve mes Izraelit e Hamasit
E Martë, 01.06.2009, 06:40pm (GMT+1)
RDW- Bashkësia ndërkombëtare vazhdon përpjekjet për të ndërmjetësuar në konfliktin në Rripin e Gazës. Presidenti francez, Nicolas Sarkozy, kërkoi gjatë një vizite në Damask, që Siria të ushtrojë presion ndaj Hamasit, me qëllim që në territoret palestineze të vendoset armëpushimi. Siria, ku jeton në mërgim shefi i Hamasit, Khaled Meshal, është ndër vendet me rëndësi kyçe në këtë konflikt. Ministrat e jashtëm të BE-së ofruan pjesëmarrjen e BE-së në kontrollet e kalimeve kufitare ndërmjet Rripit të Gazës dhe Egjiptit. Në këtë mënyrë mund të rigjallërohet misioni evropian ndërkufitar EUBAM, i krijuar në vitin 2005. Ministri i jashtëm gjerman, Frank-Walter Steinmeier, dërgoi në rajon ndërmjetësuesin e ministrisë së tij për Lindjen e Afërt. Izraeli e mbrojti sërish ofensivën e tij. Armëpushimi mund të pranohet, nqs Hamasi i ndërpret sulmet me raketa, tha zëdhënësi i qeverisë Olmert./Voal-online
|